សង្គម

ច្រើនខ្លាំងដល់ម្លឹងផង! នៅឥណ្ឌាបំបែកកំណត់ត្រាថ្មី ដោយរកឃើញអ្នកឆ្លងកូវីដ-១៩ច្រើនខ្លាំងលើសពីការស្មាន

(ញូដេលី)៖ អ្នកឆ្លងជំងឺ កូវីដ-19 រហូតដល់ ២៧៣,៨១០នាក់ទៀត ត្រូវបានរកឃើញនៅក្នុងរយៈពេលតែ ២៤ម៉ោងកន្លងទៅនេះប៉ុណ្ណោះ ដែលនាំឲ្យចំនួនករណីឆ្លងទូទាំងប្រទេស កើនឡើងដល់លើស ១៥លានករណីហើយ។ នេះបើតាមការចេញផ្សាយ ដោយសារព័ត៌មាន CNA នារសៀលថ្ងៃចន្ទ ទី១៩ ខែមេសា ឆ្នាំ២០២១។
​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

នៅក្នុងរយៈពេលដូចគ្នានេះ អ្នកជំងឺ កូវីដ-19 ចំនួន ១,៦១៩នាក់ទៀត ក៏បានបាត់បង់ជីវិតផងដែរ នាំឲ្យចំនួនមនុស្សស្លាប់សរុប ដោយសារជំងឺក៏កាចសាហាវនេះទូទាំងប្រទេសឥណ្ឌា កើនឡើងដល់ ១៧៨,៧៦៩នាក់។ អត្រាឆ្លង និងស្លាប់ដោយសារ កូវីដ-19 របស់ឥណ្ឌា ដែលជាប្រទេសមានប្រជាជនសរុបជាង ១,៣០០លាននាក់ ពេលនេះគឺស្ថិតក្នុងកម្រិតខ្ពស់ជាងគេបំផុតក្នុងលោក។
​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

គួរបញ្ជាក់ថា អាជ្ញាធរឥណ្ឌាកំពុងតែព្យាយាមបង្កើន ចំនួនគ្រែសម្រាប់អ្នកជំងឺព្យាបាល នៅតាមរដ្ឋមួយចំនួន ដែលមានផ្ទុះករណីឆ្លង នៅក្នុងកម្រិតធ្ងន់ធ្ងរដូចជា មហារ៉ាស្ត្រា (Maharashtra), កាណាតាកា (Karnataka), កឺរ៉ាឡា (Kerala), អ៊ូតតាប្រាដែស (Uttar Pradeh) និង វែសត៍ ប៊ែងហ្គាល់ (West Bengal) ជាដើម ដែលសុទ្ធសឹងតែជារដ្ឋមានករណីឆ្លង កូវីដ-19 រាប់លានករណីដូចៗគ្នា។
​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

កត្តាចម្បងនៃការឆ្លងរាតត្បាតខ្លាំង ឬចាត់ទុកជារលកទី ៣នៃ កូវីដ-19 ក្នុងប្រទេសឥណ្ឌាពេលនេះ នៅតែត្រូវគេស្តីបន្ទោសទៅលើ ការជួបជុំគ្នាយ៉ាងកកុញនៅក្នុងឱកាសប្រារព្ធពិធីបុណ្យ គុម មេឡា (Kumbh Mela) នៃសាសនាហិណ្ឌូដែលនឹងត្រូវអូសបន្លាយ ពេញមួយខែមេសានេះតែម្តង។ គិតត្រឹមថ្ងៃចន្ទនេះ ឥណ្ឌាមានករណីឆ្លង កូវីដ-19 សរុបជាង ១៥,០៥៧,០០០ករណី ក្នុងនោះមានអ្នកស្លាប់សរុប ១៧៨,៧៦៩នាក់ និងជាសះស្បើយឡើងវិញជិត ១៣,០០០,០០០នាក់៕
​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​