អន្តរជាតិ

ក្មេងប្រុសថៃអាយុ ៨ ឆ្នាំ ចុះប្រមូលសំរាមសម្អាតប្រឡាយទឹក ទទួលបានការចាប់អារម្មណ៍ខ្លាំងរហូតទទួលបានប័ណ្ណសរសើរ និងរង្វាន់ជាច្រើនពីខាងរាជរដ្ឋាភិបាលថៃ

Posted on Author daily Comments Off on ក្មេងប្រុសថៃអាយុ ៨ ឆ្នាំ ចុះប្រមូលសំរាមសម្អាតប្រឡាយទឹក ទទួលបានការចាប់អារម្មណ៍ខ្លាំងរហូតទទួលបានប័ណ្ណសរសើរ និងរង្វាន់ជាច្រើនពីខាងរាជរដ្ឋាភិបាលថៃ

ក្មេងប្រុសអាយុ ៨ ឆ្នាំ មួយរូបត្រូវបានប្រជាជនថៃកោតសរសើរជាខ្លាំងក្រោយពីបានចុះធ្វើការប្រមូលសម្រាមសម្អាតប្រឡាយទឹក ផាក់បាង ខេត្តភូគេតប្រទេសថៃ។ ក្មេងប្រុសវ័យ៨ឆ្នាំ ដែលមានឈ្មោះថា កូស៊ីន ថាង៉ាម ជាសិស្សនៃសាលា សាយណាំយេន បានចាប់ផ្តើមចុះធ្វើការសម្អាតប្រឡាយទឹកមួយនេះតាំងពីដើមឆ្នាំមកម្ល៉េះ។
​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ការខិតខំរបស់គេរហូតបានធ្វើឲ្យមានការមើលឃើញពីមហាជននៅក្នុងបណ្តាញសង្គម ដោយមានការចែករំលែកពីគណនីមួយទៅគណនីមួយទៀត។ ក្មេងប្រុសដែលរស់នៅជាមួយលោកយាយតាំងពីអាយុ១០ខែ រូបនេះបានធ្វើឲ្យមហាជនថៃកោតសរសើរមិនដាច់ពីមាត់ថាជា ជនគំរូវ័យក្មេងរហូតលេចឮដំណឹងដល់ខាងរាជរដ្ឋាភិបាល។
​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ក្រុមប៉ូលីសដែលស្ថិតនៅឯតំបន់ប៉ាតង់ ដឹកនាំដោយលោក អនុធ័យ ចិន្តាមុនី ក៏បានចុះប្រគល់ប័ណ្ណសរសើរ ជាមួយអាហាររូបករណ៍ ព្រមទាំងអាវការពារ ដល់ក្មេងប្រុសរូបនេះ ដោយរូបគេបានបង្ហាញពីគំរូដល់ល្អដល់ប្រជាជន និងក្រុមយុវជនស្ម័គ្រចិត្ត ទាំងដែលវ័យនៅក្មេង៕ ប្រភព TNews
​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

Post Views: 541
daily
http://daily-th.com

Related Articles
អន្តរជាតិ

កាន់តែកើនហើយ! ទីបំផុត អូមីក្រុងបានឆ្លងចូលដល់ អាមេរិកឡាទីន ហើយ

Posted on Author daily

និយតករសុខភាព Anvisa របស់ប្រទេសប្រេស៊ីល បាននិយាយកាលពីថ្ងៃអង្គារថា ការវិភាគមន្ទីរពិសោធន៍បានរកឃើញ២ករណីនៃវីរុសកូវីដ១៩បំប្លែងខ្លួន Omicron ដែលជាករណីដំបូងត្រូវបានរាយការណ៍នៅតំបន់អាមេរិកឡាទីន។ យោងតាម Anvisa, អ្នកដំណើរម្នាក់ដែលមកដល់ទីក្រុង Sao Paulo ពីប្រទេសអាហ្វ្រិកខាងត្បូង និងប្រពន្ធរបស់គាត់ បានឆ្លងវីរុសបំប្លែងថ្មីដ៏កាចសាហាវនេះ។ អ្នកដំណើរបានមកដល់អាកាសយានដ្ឋានអន្តរជាតិ Guarulhos នៅថ្ងៃទី២៣ខែវិច្ឆិកា ជាមួយនឹងការធ្វើតេស្តអវិជ្ជមានជំងឺកូវីដ១៩។ ប៉ុន្តែមុនការធ្វើដំណើរត្រឡប់ទៅវិញតាមការគ្រោងទុក ប្តីប្រពន្ធមួយគូនេះនេះបានធ្វើតេស្តវិជ្ជមាន ហើយសំណាកត្រូវបានបញ្ជូនសម្រាប់ការវិភាគបន្ថែម ដោយក្រោយមកត្រូវបានគេរកឃើញថាជាវីរុសបំប្លែងខ្លួន Omicron។ និយតករនិយាយថា សំណាកនឹងត្រូវបានបញ្ជូនសម្រាប់ការវិភាគបញ្ជាក់ជាលើកទីពីរ៕ ប្រភព៖ កម្ពុជាថ្មី Post Views: 155
អន្តរជាតិ

ទីបំផុត មេរោគកូវីដបំប្លែងថ្មីមានឈ្មោះជាផ្លូវការហើយ និងចាត់ទុកជាមេរោគដែល «គួរឲ្យបារម្ភ»

Posted on Author daily

(វ៉ាស៊ីនតោន)៖ អង្គការសុខភាពពិភពលោក (WHO) ក្រោយបញ្ចប់កិច្ចប្រជុំបន្ទាន់មួយ កាលពីថ្ងៃសុក្រសប្តាហ៍នេះ បានសម្រេចដាក់ឈ្មោះវីរុសបំប្លែងថ្មី «B.1.1.529» ដែលទើបត្រូវបានរកឃើញនៅអាហ្វ្រិកខាងត្បូង នោះជាផ្លូវការថា «អូមីក្រន់» (Omicron) និងចាត់ទុកថា «វាជាវីរុសដែលគួរឲ្យបារម្ភ» ខណៈស្លាកនេះត្រូវបាន WHO ដាក់ឲ្យមេរោគបំប្លែងខ្លួនចំនួន ៤ ប៉ុណ្ណោះកន្លងមក។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters នាព្រឹកថ្ងៃសៅរ៍ ទី២៧ ខែវិច្ឆិកា ឆ្នាំ២០២១។ ការរកឃើញវីរុសបំប្លែងថ្មីខាងលើនេះដែរ បាននិងកំពុងធ្វើឲ្យពិភពលោក ប្រកាសអាសន្នជាថ្មីម្តងទៀត ខណៈប្រទេសកាន់តែច្រើន ដែលមានជើងហោះហើរ ជាមួយនឹងប្រទេសអាហ្វ្រិកខាងត្បូង ខ្លះបានរាំងខ្ទប់ការធ្វើដំណើររួចរាល់ និងខ្លះទៀតកំពុងគិតពិចារណា។ មកទល់ពេលនេះ ក្រៅពីប្រទេសអាហ្វ្រិកខាងត្បូង និងប្រទេសជិតខាងផ្សេងទៀតដូចជាបុតស្វាណាជាដើម ទីក្រុងហុងកុងរបស់ចិន, ប្រទេសអ៊ីស្រាអែល និងប្រទេសប៊ែលហ្សិក សុទ្ធតែបានប្រកាសរកឃើញ ករណីឆ្លងដំបូងៗនៃវីរុសបំប្លែងថ្មី Omicron។ នៅក្នុងកិច្ចប្រជុំរបស់ WHO កាលពីថ្ងៃសុក្រសប្តាហ៍នេះ វេជ្ជបណ្ឌិត ម៉ៃខឺល រីយ៉ាន (Michael Ryan) នាយកគ្រប់គ្រងកម្មវិធីសង្គ្រោះរបស់ WHO បានលើកឡើងថា «វាពិតជាសំខាន់ខ្លាំងណាស់ ដែលយើងទាំងអស់គ្នា […]
អន្តរជាតិ

ក្តៅៗ ចិនប្រកាសបិទខ្ទប់ស្រុកមួយដោយសារកំណើនអ្នកឆ្លងមេរោគ Delta

Posted on Author daily

(ប៉េកាំង)៖ អាជ្ញាធរចិនបានសម្រេចបិទខ្ទប់ (lockdown) ស្រុកមួយ ស្ថិតនៅក្នុងតំបន់ស្វយ័ត អ៊ីនណឺ ម៉ុងហ្គោលី (Inner Mongolia) ភាគខាងជើងប្រទេស ដោយសារតែកំណើននៃករណីឆ្លងមេរោគ COVID-19 បំប្លែងខ្លួន Delta។ នេះបើតាមការចេញផ្សាយដោយ សារព័ត៌មាន Bloomberg នាព្រឹកថ្ងៃចន្ទ ទី២៥ ខែតុលា ឆ្នាំ២០២១។​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ស្រុកដែលត្រូវបានបិទខ្ទប់ខាងលើនេះ មានឈ្មោះថា អ៊ីជីន (Ejin) ដោយអាជ្ញាធរបានតម្រូវឲ្យមនុស្សទាំងអស់ចំនួន ៣៥,៧០០នាក់ ស្នាក់នៅក្នុងផ្ទះជាកំហិត គិតចាប់ពីថ្ងៃចន្ទនេះតទៅ។ ស្រុកដ៏តូចមួយនេះ បានរកឃើញករណីឆ្លង COVID-19 បំប្លែងខ្លួន Delta ជាង ១៥០ករណី គិតត្រឹមចុងសប្តាហ៍មុននេះប៉ុណ្ណោះ។​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ គួរបញ្ជាក់ថា ការ lockdown ស្រុក Ejin នៃតំបន់ស្វយ័ត Inner Mongolia បានកើតមានឡើងតែ ១ថ្ងៃប៉ុណ្ណោះ បន្ទាប់ពីគណៈកម្មការសុខាភិបាលជាតិចិន បានព្រមានពីការផ្ទុះករណីឆ្លងថ្មីចុងក្រោយនេះថា អាចនឹងមានស្ថានភាពកាន់់តែអាក្រក់ បន្ទាប់ពីខេត្តចំនួន ១១ រួចមកហើយរបស់ប្រទេសចិន បានរាយការណ៍ពីការរកឃើញ ករណីពាក់ព័ន្ធនៅកំលុងពេលតែ […]