សង្គម

ឌីជេ ក្ដិប ត្រូវបញ្ចូលទៅសង្គ្រោះ នៅមន្ទីពេទ្យបន្ទាប់ពីមានអាការៈក្អកហត់ អស់កម្លាំង ហើយត្រូវធ្វើតេស្តរក កូវិដ១៩ផងដែរ

តារាចម្រៀង​រ៉េប ឌីជេក្ដិប បាន​និង​កំពុង​សង្ស័យ​ខ្លួនថា មាន​ផ្ទុក​ជំងឺ​កូវីដ​១៩ ក្រោយ​ធ្វើ​ដំណើរ​ទៅ​ទី​ក្រុង​សៀមរាប កាល​ពី​ថ្ងៃ​ទី​១៨ ខែ​មីនា ឆ្នាំ​២០២១។

នេះ​បើ​តាម​ការ​បង្ហោះ​របស់​លោក ចាន់​ សំណាង ហៅ​ឌី​ជេ​ក្តិ​ប បាន​ឲ្យ​ដឹង​ថា សូម​គោរព​រាយការណ៍​បឋម នៅវេលា​ម៉ោង​១៣:០០​នាទី​ថ្ងៃទី​២៨ ខែ​មីនា​ ឆ្នាំ​២០២១​នេះ នៅ​សាលា​រុ​កោសល្យ មាន​ករណី​បុរស​ម្នាក់​ឈ្មោះ​ ចាន់​សំណាង ហៅ​ឌី​ជេ​ក្តិ​ប ភេទ​ប្រុស​អាយុ ៣៣​ឆ្នាំ ជា​បុគ្គលិក​ផលិតកម្ម​ហង្ស បាន​ជិះ​Passapp ពាក់​ស្លាក​លេខ​សៀមរាប​1AH-8272 របស់​ឈ្មោះ​ផុ​ម ឆេន ភេទ​ប្រុស​អាយុ​៣៣​ឆ្នាំ បាន​ចូលមក​ពិនិត្យ​សុខភាព បន្ទាប់ពី​មាន​អាកា​រៈ​ក្អក​ហត់ អស់កម្លាំង​។​

លើស​ពី​នេះ លោក​ក៏​បាន​បញ្ជាក់​ថា ឈ្មោះ​ចាន់ សំណាង ហៅ​ឌី​ជេ​ក្តិ​ប​បាន​ជិះ​រថយន្ត​ផ្ទាល់ខ្លួន​ចូល​មកដល់​ក្នុង​ក្រុង​សៀមរាប កាលពី​ថ្ងៃទី ១៨ ខែមីនា​ឆ្នាំ​២០២១​កន្លងទៅ ដោយ​ស្នាក់​នៅផ្ទះ​បងប្អូន​នៅ​ចំណុច​ភូមិ​តាភុល សង្កាត់​ស្វាយដង្គំ ក្រុង​សៀមរាប​។

បច្ចុប្បន្ន​ក្រុមគ្រូពេទ្យ​បាន​យក​រថយន្ត​សង្គ្រោះ​នាំ​បុរស​រូប​នេះ ​ទៅ​មន្ទីរ​ពេទ្យបង្អែក​ខេត្ត​សៀមរាប ដើម្បី​ពិនិត្យ​និង​តេស្តរ​កកូ​វិដ​១៩ ចំណែក​អ្នករត់​Passup បាន​ស្នើរ​ឲ្យ​នៅ​សាលា​គរុកោសល្យ​ជា​បណ្តោះអាសន្ន។ សូម​អស់​យោបល់។

សូម​រំលឹក​ថា នៅថ្ងៃនេះ រក​ឃើញ​អ្នក​ឆ្លង​ថ្មីចំនួន​៤០​នាក់ ជាសះ​ស្បើយ​៦​នាក់​បន្ថែម​ទៀត និង​ស្លាប់​ថែម​ម្នាក់​ទៀត ៕​