ភ្នំពេញ៖ បងស្រីបង្កើតរបស់តារាចម្រៀងនាង វី ឌីណែត ត្រូវបានគេរកឃើញថា ឆ្លងវីរុសជំងឺកូវីដ១៩ បន្ទាប់បងស្រីតារាចម្រៀងរូបនេះ ត្រូវបានគេរកឃើញឆ្លងនៅក្នុងហាងកែសម្ជស្សមួយកន្លែង។ នេះបើតាមការប្រកាសរបស់លោក អ៊ឹម ជីវ៉ា តាមរយៈហ្វេសប៊ុកផេកសិល្បករកម្ពុជា នាថ្ងៃនេះ។
បើតាមអ្វីដែលផេកខាងលើ បានសរសេរបង្ហោះនោះបានឱ្យដឹងថា នៅរសៀលថ្ងៃទី២២ ខែមីនា ឆ្នាំ២០២១ នេះ មនុស្សចំនួន៤នាក់ទៀតហើយ រកឃើញឆ្លងវីរុសកូវីដ-១៩ នៅក្នុងហាងកែសម្ផស្សមួយកន្លែងឈ្មោះថា «Master Care Cambodia» ដែលមានទីតាំងនៅខណ្ឌបឹងកេងកង រាជធានីភ្នំពេញ។
ក្នុងចំណោមអ្នកឆ្លងថ្មីទាំង៤នាក់នេះ មានម្នាក់គឺជាស្ត្រីមានផ្ទៃពោះ៧ខែ ដែលត្រូវបានឲ្យដឹងថា គឺជាបងស្រីបង្កើតរបស់តារាចម្រៀង វី ឌីណែត មាន ឈ្មោះថា វី ឌីណា។ បច្ចុប្បន្ន អ្នកជំងឺទាំង ៤នាក់ ត្រូវបានដាក់ឲ្យសម្រាកព្យាបាលនៅសណ្ឋាគារ The Great Duke៕
