សង្គម

មិញៗនេះ នៅខណ្ឌឫស្សីកែវ ឡានពេទ្យចូលយកស្ត្រីម្នាក់ឆ្លងកូវីដ-១៩ ស្នាក់នៅភូមិបាក់ទូក

មុននេះបន្តិច លើទំព័រហ្វេសប៊ុកអភិបាលខណ្ឌឫស្សីកែវ លោក ជា ពិសី បានឱ្យដឹងថា នៅយប់ថ្ងៃទី ១៤ ខែមីនា ឆ្នាំ ២០២១ នេះ មានករណីវិជ្ជមានកូវីដ-១៩ ម្នាក់ជាស្ត្រី វ័យ ២៥ ឆ្នាំ មានទីតាំងនៅផ្ទះជួលគ្មានលេខ ផ្លូវ ១០៣R ក្រុមទី ៧ ភូមិបាក់ទូក សង្កាត់ទួលសង្កែទី ១ ខណ្ឌប្ញស្សីកែវ រាជធានីភ្នំពេញ ។

បច្ចុប្បន្នអ្នកជំងឺខាងលើ ត្រូវបានបញ្ជូនទៅព្យាបាលនៅមណ្ឌលសុខភាព ចាក់អង្រែ ។ រីឯអ្នកដែលពាក់ព័ន្ធមានចំនួន ៣ នាក់ តម្រូវឱ្យធ្វើចត្តាឡីស័កនៅក្នុងទីតាំងនេះ ព្រមទាំងត្រៀមយកសំណាកនៅព្រឹកថ្ងៃស្អែក ។

ស្របគ្នានេះដែរ អាជ្ញាធរ បានសម្រេចបិទទីតាំងខាងលើនេះជាបណ្ដោះអាសន្នផងដែរ ដើម្បីបង្ការការឆ្លងជាយថាហេតុ ។