សង្គម

កុំធ្វេសប្រហែសឱ្យសោះ! គិតមកដល់ពេលនេះ អ្នកធ្វើតេស្ដកូវីដ១៩កើនរហូតដល់ ៥៨ ម៉ឺននាក់ហើយ

យោងតាមរបាយការណ៍នាយកដ្ឋានប្រយុទ្ធនឹងជំងឺឆ្លង CDC បានចុះផ្សាយថា​ ថ្ងៃទី ១៤ មិនា ២០២១​ យើងរកឃើញករណីជំងឺកូវីដ-១៩​ សរុបចំនួន​ ៤១នាក់​ ឆ្លងសហគមន៍​ទាំងអស់​ និងមានជាសះស្បើយ​ ២៤នាក់។

ដូច្នេះចំនួនករណីជំងឺកូវីដ-១៩សរុប​កើន​ ១៣០៥នាក់​​​​​​​​​​​​​​ ចំនួនសំរាកពេទ្យ ៦៥៦នាក់​​​​ និងចំនួនជាសះស្បើយសរុប​កើន ៦៤៧នាក់ និងស្លាប់សរុប​ ១នាក់។

សូមបញ្ជាក់ថា​ ប្រទេសយើងរកឃើញករណីជំងឺកូវីដ១៩ដំបូងបំផុតនៅថ្ងៃទី​ ២៧​ មករា​ ២០២០​។ យើងបានធ្វើតេស្តចំនួន​ 580,539 ស្មើនឹង​ 34555 ក្នុង១លាន នាក់។

គួរបញ្ជាក់ថា ជំងឺកូវីដ-១៩​ នៅតែបន្តគម្រាមកំហែងយើងជាប់ជានិច្ច​ សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ​ នៅឃ្លាតឆ្ងាយពីគ្នា​ មិនចេញក្រៅផ្ទះបើមិនចាំបាច់​ ព្រោះប្រទេសយើងកំពុងរាត្បាតក្នុងសហគមន៍​ហើយ​ និងប្រទេសជិតខាងយើងនិងពិភពលោកកំពុងបន្តរាតត្បាតជំងឺកូវីដ១៩​ ដ៏ខ្លាំងក្លានៅឡើយ​។

យើងត្រូវបន្តគម្លាតបុគ្គលបន្តទៀត​ ដូចជា​អង្គុយគម្លាតពីគ្នា​ ឈររងចាំគម្លាតពីគ្នា​ ឈរជជែកគ្នាគម្លាតពីគ្នា​។ ល។ យើងត្រូវបន្តពាក់ម៉ាស់ជាប់ជានិច្ច និងឧស្សាហ៍លាងដៃជាមួយសាប៊ូ​ អាល់កុល​ ឬជែល​។

យ៉ាងណាមិញ យើងត្រូវបន្តពាក់ម៉ាស់ជាប់ជានិច្ច និងឧស្សាហ៍លាងដៃជាមួយសាប៊ូ​ អាល់កុល​ ឬជែល​ ។ ប្រសិនបើបងប្អូនមានអការសង្ស័យ សូមទាក់ទងមកទូរស័ព្ទទាន់ហេតុការណ៍ ក្រសួងសុខាភិបាល លេខ ១១៥ ដោយឥតគិតថ្លៃ ឬទំនាក់ទំនងក្រសួងសុខាភិបាល តាមលេខទូរស័ព្ទ៖ ០១២ ៨២៥ ៤២៤ ឬ ០១២ ​៤៨៨​ ៩៨១ឬ ០១២ ៨៣៦៨៦៨។