សង្គម

នៅបាត់ដំបង រកឃើញកូវីដ-១៩ មួយករណី ក្នុងស្រុកបាណន់ ព្រឹកនេះ…

យោងតាមសេចក្ដីប្រកាស របស់ក្រសួងសុខាភិបាល នៅព្រឹកថ្ងៃទី ១១ ខែមីនា ឆ្នាំ ២០២១ នេះ បានឱ្យដឹងថា កម្ពុជា រកឃើញករណីឆ្លងថ្មី ចំនួន ៣៩ នាក់ទៀតហើយ ដែលក្នុងនោះសុទ្ធតែជាករណីឆ្លងក្នុងសហគមន៍ ។

ក្នុងនោះផងដែរ តាមរយៈសេចក្ដីប្រកាសរបស់ក្រសួងសុខាភិបាលបានឱ្យដឹងទៀតថា ចំណោមអ្នកឆ្លងទាំង ៣៩ នាក់ នៅព្រឹកនេះ មានម្នាក់រកឃើញឆ្លងនៅខេត្តបាត់ដំបង ដែលមានអត្តសញ្ញាណដូចខាងក្រោម ៖

ស្រ្តីជនជាតិខ្មែរ អាយុ ៣០ ឆ្នាំ មានអាសយដ្ឋានស្នាក់នៅ ភូមិទួលច្រនៀង ឃុំបាយដំរាំ ស្រុកបាណន់ ខេត្តបាត់ដំបង ។
បច្ចុប្បន្នស្ត្រីខាងលើ ត្រូវបានដាក់ឱ្យសម្រាកព្យាបាល នៅមន្ទីរពេទ្យបង្អែក ខេត្តបាត់ដំបង ។

គួរឱ្យដឹងដែរថា គិតត្រឹមព្រឹក ថ្ងៃទី ១១ ខែមីនា ឆ្នាំ ២០២១ នេះ ស្ថានភាពអ្នកជំងឺកូវីដ-១៩ នៅកម្ពុជា មាន ៖

– អ្នកឆ្លងសរុប ចំនួន ១១៦៣ នាក់
– អ្នកជាសះស្បើយ ចំនួន ៥៩៧ នាក់
– អ្នកកំពុងព្យាបាល ចំនួន ៥៦៥ នាក់

សូមអានសេចក្តីប្រកាសក្រសួងខាងក្រោម ៖