សង្គម

សង្វេគណាស់! ដោយសារតែភាពកង្វះខាត ព្រះសង្ឃក្នុងវត្តមួយត្រូវបង្ខំចិត្តធ្វើបែបនេះ

ប្រទេសថៃ៖ បច្ចុប្បន្ននេះ ពិភពលោកយើងកំពុងតែរងផលប៉ះពាល់យ៉ាងខ្លាំងស្ទើរតែគ្រប់វិស័យដោយសារតែវិបត្តិជំងឺ Covid-19 បានរាតត្បាតស្ទើរតែគ្រប់កន្លែង។ មិនតែប៉ុណ្ណោះ យើងក៏ឃើញមាននៅកន្លែងការងារមួយចំនួនត្រូវបានផ្អាក ហើយក្រុមហ៊ុនខ្លះត្រូវបង្ខំចិត្តបិទទ្វារតែម្តង។ បើងាកមកមើលស្ថានភាពនៅក្នុងប្រទេសថៃវិញយើងសង្កេតឃើញថា ក៏ទទួលរងផងប៉ះពាល់ដោយសារតែជំងឺ Covide-19 ផងដែរ។

បើយោងតាមគេហទំព័រហ្វេសប៊ុកមួយដែលមានឈ្មោះថា Bang Ya Phraek Temple, Samut Prakan, Pu Chao បានបង្ហោះរឿងរ៉ាវមួយដ៏សែនសង្វែគអំពីវត្តមួយដែលមានឈ្មោះថា Ya Bang Phraek ស្ថិតនៅក្នុងខេត្ត សាមុតប្រាកាន កំពុងប្រឈមនឹងបញ្ហាហិរញ្ញវត្ថុ ពោលគឺគ្មានលុយកាក់ដើម្បីបង់ថ្លៃទឹក ភ្លើង ដោយសារតែមិនមានមនុស្សមកធ្វើបុណ្យដូចមុនបន្ទាប់ពីផ្ទុះការរីករាលដាលនៃជំងឺ Covide-19 នេះ។

ដោយសារតែឃើញមានការកង្វះខាតបែបនេះ យើងឃើញមានប្រជាពលរដ្ឋដែលរស់នៅក្នុងភូមិនោះនាំគ្នាទៅទិញស្វាយដែលមាននៅក្នុងវត្តនោះដើម្បីឱ្យព្រះសង្ឃមានលុយកាក់ក្នុងការចំណាយសម្រាប់បង់ថ្លៃទឹក ភ្លើង នឹងជួយដល់វត្តផងដែរ។ រឿងនេះត្រូវបានផ្សព្វផ្សាយតាមប្រព័ន្ធអ៊ីនធឺណេត ហើយមានមនុស្សជាច្រើនបានធ្វើដំណើរទៅវត្តនោះដើម្បីជួយឧបត្ថមដូចជាប្រាក់កាក់និងអាហារផងដែរ។